فرش زويفا .. تستحق الضجة و المدح , او لا؟

 

ZOEVA brushes

 

 

 

 

 

 

اهلا اهلا , جميلاتي .. اكيد انكم قد سمعتم بالضجة و الكلام الكثير الي طلع عن فرش زويفا ,, جودها و سعرها و و .. المهم انا تحمست مع الحكي هذا كله و اشتريتها ,, ف اليوم الريفيو عن فرش العيون من زويفا ..  

 

اش هي ماركة زويفا أصلا :

ماركة تجميلية نسائية المانية ,, اول منتجاتها كانت الفرش للوجهه و العيون , و انتشرت بسبب جودتها العالية و سعرها المناسب .. بعدها بداوا ينتجون منتجات تجميلية ثانيه مثل الايشادو  ( الظلال ) و و و..

 

مجموعة العيون من زويفا ,, تجي 12 فرشة في شنطة جلد .. فيه منها اكثر من لون روز قولد و اسود و وردي ,, فضلت الأسود بما انه ملك الألوان ههههه.. حبيت مره الشنطة الجلد , عمليه و حقت كرف ,  

 

 

 

نجي للسوال المهم هل تستحق الضجة والمدح ؟

بالنسبة لي ايه ولا ,,

ايه , لانه الفرش جدا ناعمة و حلو انها متنوعه , يعني هالمجوعة تغنيك عن أي فرش ثانيه , جودتها ممتازة ..

لا, لان احس الفرش فيه ماركات بنفس المميزات و بسعر اقل , يعني اذا انتي اول مره تشترين فرش , انصحك بكوستال او ريل تكنك , ارخص و بجودة و مميزات قريبه جدا جدا ..

 

 

 

 

هذه المجموعة و كل فرشة لها استخدام و ميزة عن الثانية ,, زي ماقلت 12 فرشة للعيون ,,

 

 

 

شايفين كيف الشعر صاير متناثر , لان طريقتي بغسيل الفرش كانت غلط , ف خربت لي الفرش شوي , دائما اذا غسلتي فرشك غلفيها , سواء ب الغطاء حق الفرشة , او بالشبكة الي زي الي بالصورة ..

 

 

شاركوني تجاربكم مع فرش الميك اب.. و اش اكثر براند تحبونه ؟

 و اشوفكم بتدوينات قادمة ان شاء الله ..

 

 

instgram :

 

@Raghadaloun