روتين لعلاج حب الشباب

السلام عليكم ورحمة الله و بركاته ,, اليوم الموضوع عن شئ اتوقع كلنا نكرهه , حب الشباب .. اولا خلونا نعرف اش هو حب الشباب , حب الشباب هو عبارة عن مرض جلدي التهابي , ناتج عن تغيرات في المسامات و الغدد الدهنية تكون لنا بشكل بثور او حبوب .

و قبل ماتحلين اي مشكلة تواجهك لازم تعرفين الاسباب عشان تعرفين كيف ممكن تحلينها :

اش اسباب ظهور حب الشباب : بختصر لكم هي تغير في الهرمونات , دهون زائدة بالجسم , او اهمال في تنظيف الوجهه و العناية فيه بحيث سبب تراكمات على البشرة ادت الى انسداد المسام , و طلعت الحبوب ..

السبب الاول علاجه عند طبيب جلدية اذا كانت الحبوب تطول , او ممكن في فترة الدورة الشهرية تحدث تغيرات بالهرمونات و تطلع لك حبه او حبتين , و هالشئ طبيعي جدا و يصير لكل نساء العالم .. و الحل انه تحطين على الحبه كريم ينشف الحبة و يمنع من كبر حجمها مثل جل بنزاك , او تستخمين طريقة طبيعية مثل انك تفركين الحبه ب ثوم , و ميزة الثوم انه وحده بوحده و موجود بكل البيوت ,,

 

السبب الثاني علاجه تخففين من الدهون الي باكلك , تقللين زيت و تشربين مويه كثير عشان تساعد في ذوبانها ,,

 

السبب الثالث , و علاجه بيدك ,, على قد ماتعطين وجهك من اهتمام و تنظيف على قد مايعطيك من نضارة و صحة ,, طيب كيف احلها شيفين المشكله بسبب الاهمال و العلاج بروتين يحارب هالحبوب و بخفف من تهيجها و يجدد البشرة ,,

روتينك لازم يكون فيه اربع مراحل اساسية و مرحلة اخيارية (بالنسبة لي ) :

المرحلة الاولى :

التنظيف : يكون بغسول , يفضل يكون غسول ضد حب الشباب و بدون زيوت (فري اويل ) عشان ينظف كويس و يشيل كل البقايا و الشوائب الي تكون موجودة من المكياج و الجو الخارجي ,, انا بالنسبة لي اشوف الغسول المناسب لاغلب البنات و الي يناسب كل البشرات و سعرة ممتاز بالنسبة لنتيجته غسول نيتروينا (البرتقالي ) لعلاج حب الشباب , و ممكن تستخدمين اي غسول تحبينه

 

مع فرشة مخصصه بتنظيف الوجهه مثلا انا استخدم فرشة كلارسونيك , اذا حسيت وجهي يبي له تنظيف عميق استخدمت الفرشة الي مخصصه للتنظيف العميق بس حق كل يوم استخدم للبشره الحساسة ,,

 

 

 

كم مرة اغسل وجهي ؟

 مره الى مرتين و الاهم مره وحده بالليل , المبالغة بنات في التنظيف ممكن تقلب ضدك لانك بتشيلين الدهون الضارة و النافعة وكله و بتصير بشرتك جافة و متشققه ,, مره تكفي , بالنسبة للفرشة كل يومين او ثلاث ايام مره وحده ..  

المرحلة الثانية :

التقشير : يكون مقشر ناعم عشان ماناذي بشرة الوجهه لانها تكون حساسة اكثر من اي منطقة بالجسم , سواء استخدمتي مقشر صناعي او طبيعي بالبيت سويتيه مايفرق المهم الفكرة الي هي اننا نحك الطبقة الخارجية للجلد بلطف عشان نشيل الجلد الميت و يكون التنظيف اعمق و اقوى ,, ك مقشر صناعي انا استخدم مقشر القمح , احسه مناسب لانه زي اهو مكتوب ناعم و خفيف عالبشرة , و فيه حبيبات صغيرة تنظف و تشقر , و ممكن تسخدون مقشر طبيعي و حاطه طرق له بصفحتي على الانستقرام ..

كم مرة اقشر وجهي ؟

مرتين لثلاث مرات بالاسبوع , و بحركة دائريه تشيلينه من على وجهك و بلطف بنات , بشويش العنف بسبب لك تهيج بالبشرة و ترهلات مع الزمن..

ممكن تستخدمين مقشر طبي يقشر لك البشره و يشيل لك الطبقة الميته و بكذا تجدد البشرة . زي مقشر ديفرين ,, طبعا المعروف لايعرف عارفين قد ايش الناس هبو عليه و كثير كثير تكلموا عنه , و خاصة ان سعره بالنسبه للنتايج جبار , يعني 30 ريال على نتيجة حلوه زي كذا , و ممكن كريمات ثانيه اغلى ب عشر اضعاف تعطيك نفس النتيجة , حلو اذا كان عندك اثار من حبوب الشباب يشقرها و يشلها لك.. طبعا اذا استخدمتي هالمقشر ماتستغنين عن التقشير الي بالحبيبات يعني اثنينهم تستخدينهم سواء ,,

 

المرحلة الثالثة (اختيارية):

التونر : مادة تحطينها على وجهك عشان تنظف اكثر و تتاكدين انه كل الشوائب و بقايا المكياج راحت , و تسكر لك المسام , ممكن بنات تستغنوا عن هذه المرحلة و تكتفون بالغسول و المقشر و تسكرون المسام بقطعة ثلج تمرريها على وجهك , او انك تغسلي وجهك بمويه باردة جدا ,,

المرحلة الرابعة :

الترطيب : من اهم اهم المراحل ب روتينك اليومي انك ترطبين وجهك , حتى لو بشرتك دهنيه لازم تترطب ممكن بمرطب خفيف مو شرط يكون ثقيل و الافضل اذا كنتي تعانين من حب الشباب انك تستخدمين مرطب طبي , و اذا ماعندك و ماتقدرين تشترين زيت زيتون يفي بالغرض .. المرطب الي احبه لاني حاليا استخدم مقشر دفرين , هو كريم ديسكا , سعره حول ال 20 ريال و ترطيبه ممتاز , صح هو اساسا مخصص للرضع بس الصيدليه وصفت لي هو و طلع فعال زي اي كريم طبي يرطب البشرة  

كم مرة ارطب وجهي ؟

اذا حسيتي ان وجهك جاف و تحتاجين مرطب , او مرتين باليوم كفايه و بعد الوضوء لان المويه تجفف البشرة ..

 

المرحلة الخامسة :

الاقنعة او الماسكات مرة بالاسبوع استخدمي اي ماسك تحبينه او يفيد بشرتك حسب ماتبين يخفف لك من ظهور حب الشباب بنسبة عاليه جدا ,, و حاطة صفحتي بالانستقرام كثير ماسكات ممكن تستفيدين منها , و فيه منها مخصصه لعلاج حب الشباب ,,

 

و بس اتمنى انكم تستفيدون ,,

صفحتي على انستقرام

https://www.instagram.com/raghadaloun/