مفضلاتي في ميك اب سيفورا .. بالنسبة لي صرت احب براند سيفورا , اكثر من البراندات الثانية في نفس محل سيفورا .. الجودة ممتازة و الأسعار حلوه و مناسبة , و مع كذا استغربت انه ماسوت ضجه بالسوق ,, على انه بعض منتجاتهم تستاهل كل ريال يندفع فيها ,, بالتدوينة هذه بعرض لكم اكثر 4 منتجات احبها من عندهم ,, و ليش و أسعارها ,, اول شيء الأساس و خافي العيوب (الفاونديشن و الكونسيلر ) الاساس ( فاونديشن ) سيفورا ، تكلمت عنه بانستقرامي ، و قد ايش انا هابه فيه الفترة هذه،، المنتج يعد بتغطية كاملة ، و الي يميزه انه فري اويل ( بدون زيوت ) ، مات فينش ( مظهر مطفي ) ، ثابت ل١٠ ساعات،، من تجربتي له المواصفات غير عن النتيجة ، بس النتيجة جميلة جميلة ، اول شي لاحظت ان الاساس مو مطفي تماما ، تحسين يعطي منظر صحي للبشرة ، و مايعطيك لوك الباودر ، انا احب تكون هالميزة بالاساس حقي .. ...
